O pasado 24 de outubro de 2018 os Premios  Fest outorgaban a O Son  do  Camiño o premio ao festival revelación tras unha primeira edición na que chegaron ao revitalizado Monte  do Gozo de Santiago de Compostela artistas de primeira liña do panorama internacional como  Lenny  Kravitz,  The  Killers,  Jamiroquai ou Martin  Garrix, e outros nacionais como Novidades  Carminha, Carlos  Sadness ou  Toundra, sumando un total de 34 actuacións.

O cartel de abonos esgotados, que se colgou ás dúas horas de activar a venda (un éxito sen precedentes na historia da música en directo no noso país), congregou a 28.000 almas por xornada, convertendo a esta cita nun dos eventos máis destacados dun escenario mítico polo que pasaron lendas do rock como Bruce  Springsteen,  The  Rolling  Stones,  MUSE ou Bob Dylan.

Premios  Fest é o único recoñecemento en España dedicado aos Festivais de Música. A súa misión consiste en recoñecer, valorar e celebrar o traballo e a creatividade dos profesionais responsables do desenvolvemento dos Festivais de Música que se celebran en España.  Destacando os valores de cada festival e facéndoos máis atractivos para todos.

Por todo isto queremos dar as grazas a público, artistas, patrocinadores, medios, compañeiros e ás persoas que fan estas citas musicais posibles. Grazas!